ನೂರೊಂದು ನೆನಪು

ನೂರೊಂದು ನೆನಪು ಎದೆಯಾಳದಿಂದ

ಹಾಡಾಗಿ ಬಂತು ಆನಂದದಿಂದ

ಸಿಂಧೂರ ಬಿಂದು ನಗಲಮ್ಮ ಎಂದು

ಎಂದೆಂದು ಇರಲಮ್ಮ ಈ ದಿವ್ಯ ಬಂಧ || ಪ ||

ಒಲವೆಂಬ ಲತೆಯು ತಂದಂಥ ಹೂವು

ಮುಡಿ ಏರೆ ನಲಿವು ಮುಡಿ ಜಾರೆ ನೋವು

ಕೈಗೂಡಿದಾಗ ಕಂಡಂಥ ಕನಸು

ಅದೃಷ್ಟದಾಟ ತಂದಂಥ ಸೊಗಸು

ಪ್ರೀತಿ ನಗಿತಿರಲಿ ಬಾಳು ಬೆಳಗಿರಲಿ

ನೀವೆಂದು ಇರಬೇಕು ಸಂತೋಷದಿಂದ || ೧ ||

ತುಟಿ ಮೇಲೆ ಬಂದಂಥ ಮಾತೊಂದೆ ಒಂದು

ಎದೆಯಲ್ಲಿ ಉಳಿದದ್ದು ಮುನ್ನೂರ ಒಂದು

ಮೂರು ಗಂಟಲ್ಲಿ ಈ ಬಾಳ ನಂಟು

ಕೇಳಿ ಪಡೆದಾಗ ಸಂತೋಷ ಉಂಟು

ನಿನ್ನ ಹರುಷದಲಿ ನನ್ನ ಉಸಿರಿರಲಿ

ನನ್ನೆಲ್ಲ ಹಾರೈಕೆ ಈ ಹಾಡಿನಿಂದ || ೨ ||